На вуліцы Міру ў Оршы ля скрыжавання побач з паліклінікай № 3 доўга знаходзіўся бар "Joker". Гэта было адно з месцаў, дзе адпачывалі жыхары раёна "Чаромушкі". Аднак затым у бара ўзніклі фінансавыя праблемы, і ён зачыніўся, аб закрыцці культавага для многіх аршанцаў бара сайт orsha.eu пісаў паўтара года таму. Бар быў шырока вядомы яшчэ і тым, што цягам многіх гадоў дапамагаў аршанскаму валейбольнаму клубу "Ўзлёт".
Доўга пасля закрыцця бара на гэтым месцы па адрасе вуліца Міру, 74 не было нічога. Літары з назвай старога бара былі даўно знятыя, на дзвярах не было апазнавальных знакаў. І, нарэшце, плошча была арэндавана пад іншую кропку. Тут адчынілася крама "Энерго", у якой прадаецца бытавы інструмент, выключальнікі, разнастайныя электронныя прылады, лічыльнікі, шчыткі, пальчаткі і многае іншае. Працуе крама без выходных і без абеду, з 9 да 19 гадзін з панядзелка па пятніцу, з 9 да 17 у суботу і з 9 да 15 у нядзелю.
