Экалагічныя актывісты з ліку фанатаў футбольнага клуба "Орша" прыбралі левы бераг Дняпра. Нягледзячы на ўдаваную чысціню, смецця знайшлося шмат, у выніку назбіралася некалькі вялікіх пакункаў. На беразе знаходзіліся як пластыкавыя талеркі, кантэйнеры, так і бутэлькі з-пад алкагольных напояў. Такім чынам, фанаты "Оршы" далучыліся да грамадскіх прыборак у розных месцах горада. У Оршы існуе адразу шэраг разнастайных экалагічных ініцыятываў, якія вядуць змаганне за чысціню рэк і лясоў, а таксама за захаванне будынкаў гістарычнай спадчыны.
