У краме “Мясная лавка” ўнітарнага прадпрыемства “Торговый дом” ЗАТ “Віцебскаграпрадукт” у гарадскім пасёлку Арэхаўск выяўлена парушэнне заканадаўства. Заканадаўства патрабуе наяўнасці на гандлёвых кропках плацёжных тэрміналаў, каб наведнікі маглі разлічыцца за пакупку банкаўскай карткай. Дзяржкантроль падчас праверкі ўсталяваў: у краме такога тэрміналу няма.
Шэраг парушэнняў выяўлены ў цэлым па Віцебскай вобласці і ў самым Віцебску – ў некаторых месцах не было пераліку асартыментнай прадукцыі, недзе гэты пералік не выконваўся, выкрытыя і іншыя парушэнні.
Па выніках маніторынгу суб'ектам гаспадарання вынесеныя рэкамендацыі, вызначаны тэрмін ліквідацыі парушэнняў. Кіраўнікі арганізацый і індывідуальныя прадпрымальнікі папярэджаны аб тым, што парушэнні пры выкарыстанні плацежных тэрміналаў, а таксама за іх адсутнасць цягнуць адміністрацыйную адказнасць. Яна прадугледжвае накладанне штрафу на індывідуальнага прадпрымальніка ў памеры да ста базавых велічынь, а на юрыдычную асобу - ад дзесяці да двухсот базавых велічынь.
