Рэгіён, Грамадства

Не прынялі александрыйскае мяса

20.10.2016 09:42

3540 праглядаў, 5 каментароў

Рассельгаснагляд не прапусціў у Расею мяса птушкі з ААТ “Александрыйскае”.

Рассельгаснагляд у пункце папярэдняга апавяшчэння “Красная горка” ў Смаленскай вобласці не прапусціў далей у Расею ахалоджанае мяса птушкі ў памеры адной тоны. Мяса птушкі вытворчасці ААТ “Александрыйскае” Шклоўскага раёна, паводле паведамлення Рассельгаснагляду, суправаджалася ветэрынарным сертыфікатам Мытнага звязу. Аднак маркіровачныя этыкеткі на скрынях з мясам былі налепленыя на ўпакоўку такім чынам, што яе можна было б ускрыць без парушэння іх цэласці. Правяраючыя зрабілі з гэтага выснову, што няма поўнай гарантыі, што мяса сапраўды выраблена на “Александрыйскім” у адпаведнасці з усімі стандартамі. У выніку груз быў вернуты адпраўніку ў Шклоўскі раён.