Жыхары Бабінічаў паведамілі нам новыя абставіны здарэння, якое адбылося вечарам 23 кастрычніка каля гэтай вёскі. Усё здарэнне адбылося на пешаходным пераходзе. Дарогу пераходзілі муж з жонкай узростам ад 30 да 40 гадоў. У момант калі яны выйшлі на пераход, па дарозе рухаліся два аўтамабілі. Адзін з кіроўцаў заўважыў пешаходаў і спыніўся, другі, які ехаў на БМВ ззаду, пабачыўшы, што ехаўшы наперадзе аўтамабіль стаў тармазіць, пайшоў на абгон і пешаходаў не заўважыў. У выніку, мужчына быў збіты насмерць, а дзяўчыне ад моцнага ўдару адарвала нагу (пра адарваную нагу нам паведамлялі з некалькіх крыніцаў). Калі на месца здарэння прыехала хуткая дапамога, жанчына была яшчэ жывая.
Кіроўца БМВ з месца здарэння з'ехаў, па раёне быў абвешчаны план перахоп, да патрулявання дарогаў былі заддзейнічаны акрамя ДАІ, іншыя міліцэйскія падраздзяленні. Асаблівая ўвага надавалася бліжэйшым вёсках. Пра затрыманне кіроўцы ў нас інфармацыі на дадзены момант няма.
Пры гэтым афіцыйнай інфармацыі пра здарэнне пакуль што не з'явілася.
