Сайт УУС падцвердзіў факт аварыі кая Бабінічаў і інфармацыю пра пацярпелых. Паводле афіцыйнай інфармацыі, аварыя адбылася 23 кастрычніка а 20.05. Як мы і паведамлялі раней, На пешаходным пераходзе ў Бабінічах кіроўца БМВ збіў двух чалавек. 36-гадовы мужчына памёр на месцы, а 37-гадовая жанчына, якая ішла з ім, атрымала значныя траўмы. Удар быў настолькі моцным, што ёй адарвала правую галёнку, левая нага таксама траўмаваная - закрыты пералом. Пацярпелая дастаўлена ў бальніцу.
З'ехаўшага з месца здарэння кіроўцу, не зважаючы на адпаведныя меры прынятыя міліцыяй, пакуль не знайшлі. У сувязі з гэтым, міліцыя звяртаецца да ўсіх грамадзянаў, якія могуць нешта ведаць пра здарэнне, або пра кіроўцу і аўтамабіль, аказаць дапамогу ў пошуку вінаватага. Вышукваецца аўтамабіль БМВ цёмнага колеру 2003-2006 гадоў выпуску. Кузаў седан, пашкоджаны левы бок, а таксама бампер, амывацель, фары, адсутнічае люстэрка задняга віду з левага боку. Калі вы валодаеце нейкай інфармацыяй, то можаце паведаміць яе па тэлефонах: 8-0212-584444, 8-029-6214444, 7214444, або 102.
