Рамонт распачаўся ўчора 17 лістапада. І ў першы ж вечар перакрыццё важнага ўчастку дарогі па вуліцы Міра стварыла заторы ў цэнтры горада. Паведамлялася, што рамонтныя работы будуць ісці з 8 раніцы да 17 гадзін вечара. Але насамрэч рух праз мост аднавіўся бліжэй да 18 гадзін.
Па стане на 17 гадзін найбольшы затор утварыўся на скрыжаванні каля суда (вуліцы Савецкая і Кірава). У бок цэнтра затор расцягнуўся ад скрыжавання да маста, пры тым, што аўтамабілі стаялі ў дзве паласы. Другі затор утварыўся па Кірава і расцягнуўся ад скрыжавання да крамы "Валянціна" на гары. Меншы па памерах - у пару дзесяткаў аўтамабіляў - затор утварыўся на Дамініканскай.
Відавочна, што пакуль рамонт не скончаны - сканчэнне рамонту запланавана на 25-е лістапада - такая сітуацыя будзе паўтарацца кожны вечар.
