18:00

+12

6 м/с

981 гПа

21:00

+9

3 м/с

984 гПа

00:00

+6

3 м/с

986 гПа

03:00

+5

3 м/с

988 гПа

06:00

+5

3 м/с

988 гПа

Орша, Культура

Кірмаш праэктаў у Оршы (+фота)

07.02.2014 22:05

2801 прагляд, 0 каментароў

Мерапрыемства, якое некалькі год паспяхова праводзіць кампанія "Будзьма Беларусамі!", нарэшце, наведае Оршу

"Кірмаш праэктаў" - гэта магчымасць прэзентаваць сваю культурніцкую ідэю перад экспертамі, чыноўнікамі, бізнэсам і атрымаць кансультатыўную і рэальную дапамогу ў яе рэалізацыі. пры гэтым удзельнічаць у кірмашы праэктаў можа любы чалавек, які да 16-га лютага запоўніць анкету і дашле сваю прэзентацыю на электронны адрас [email protected] . Як зрабіць прэзентацыю больш эфектыўнай можна пабачыць тут.

У Оршы кірмаш праэктаў пройдзе 18 лютага.

У прэс-рэлізе кампаніі "Будзьма Беларусамі" паведамляецца наступнае:

“Кірмаш праектаў” у Оршы: пашыраем зону… культуры!

18 лютага ў Оршы адбудзецца ўжо вядомы ў многіх гарадах Беларусі “Кірмаш праектаў” – публічная прэзентацыя ідэй, якія імкнуцца палепшыць культурніцкае жыццё. Зоны для развіцця ёсць заўсёды, і культура тут можа выступаць і сферай дзеяння, і сродкам. Як цвёрда верыць каманда грамадскай культурніцкай кампаніі “Будзьма беларусамі!”, культуру трэба разумець шырока, міждысцыплінарна і “бліжэй да цела”. У цэнтры грамадскай увагі на кожным “Кірмашы” – ідэі, прысвечаныя сферы культуры пэўнага горада і рэгіёна: ад традыцыйна мастацкіх галін (музыка, выяўленчае і сцэнічныя мастацтвы, літаратура), музейнай і бібліятэчнай справы – да сацыяльнай працы, адукацыі, экалогіі, дызайну гарадской прасторы, турызму, бізнэсу, рэкламы і камунікацый і іншых. І цяпер час Оршы прадэманстраваць і актывізавацца на “Кірмашы праектаў” – ужо вядомым у іншых гарадах краіны фармаце публічнай прэзентацыі, у якой увасобленая сусветная прага да edutainment – інтэрактыўнага і відовішчнага атрымання новых ведаў.

На “Кірмашы праектаў” ідэі “прадаюцца” патэнцыйным партнёрам, аднадумцам і паплечнікам. Аўтары маюць магчымасць праверыць сваю ідэю на зацікаўленых слухачах, атрымаць карысныя парады па ўдасканаленні задумы ад экспертаў, а кожны ахвочы – натхніцца актыўнымі і цікаўнымі людзьмі роднага горада і ўпэўніцца: адна галава — добра, а дваццаць — нашмат лепш!

Фармат “маланкавай размовы”, ужо традыцыйны для ўсіх “Кірмашоў праектаў”, уяўляе сабой чаргу прэзентацый, на кожны выступ даецца 5-7 хвілін. У прэзентацыі трэба адлюстраваць наступнае:

— назва прэзентацыі; — сутнасць прэзентацыі (што менавіта вы хочаце прадставіць: праект, стратэгію, кампанію, канцэпцыю і г.д.); — мэты і задачы (чаму і каму гэты праект неабходны?); — фармат праекта, яго ўнікальнасць і (ці) неабходнасць; — калі і дзе ідэя мусіць рэалізавацца; — якія рэсурсы вы ўжо маеце і якія шукаеце (каманда, дзеянні, партнёры, бюджэт).

Калі вы маеце задуму, здольную вырашыць важную культурніцкую задачу для вашага горада і пэўнай групы яго жыхароў, якая будзе спрыяць узмацненню прафесійных культурніцкіх супольнасцяў і вызначэнню адметнасці Оршы, — дзейнічайце!

Дасылайце прэзентацыю, а таксама запоўненую заяўку ўдзельніка на электронную скрыню [email protected] да 16 лютага ўключна.

Дэтальную інфармацыю аб падрыхтоўцы прэзентацыі знойдзеце тут. Выніковая прэзентацыя “Кірмашу праектаў” адбудзецца 18 лютага 2014 года.

Даведкі па тэл.: (029) 319-93-09 — каардынатар ГКК “Будзьма беларусамі!” Юры Стукалаў. Запрашайце “Кірмаш праектаў” у свой горад!

Прыклады як "кірмаш праэктаў" праводзіўся ў іншых гарадах можна пабачыць тут.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Кірмаш праэктаў у Оршы (+фота)

Мерапрыемства, якое некалькі год паспяхова праводзіць кампанія "Будзьма Беларусамі!", нарэшце, наведае Оршу

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение