Знаходзіцца яна ў ГЦ "Мір", дзе "Еўраопт", крама слодычаў і аптэка. Празрыстая скрыня для дапамогі Аршанскай арганізацыі інвалідаў-вазочнікаў напоўненая купюрамі, але многія купюры... старыя, якія афіцыйна выйшлі з грашовага абарачэння яшчэ 1-га студзеня 2017 года. Недэнамінаваныя рублі ў банкнотах 50, 100, 500, 1000, 5000 рублёў і іншага наміналу ляжаць у скрыні для ахвяраванняў. Скрыня апячатана.
Выклікае здзіўленне, што ж адбываецца. Варыянтаў не так шмат, але абодва непрыемныя. Альбо асобныя хуліганы не разумеюць што робяць і кідаюць у скрыню купюры старога наміналу, якія не паспелі патраціць да наступлення новага года, альбо Аршанская арганізацыя інвалідаў-вазочнікаў забылася на сваю скрыню для ахвяраванняў і ўжо мінімум два месяцы не забірае адтуль грошы, прытым што старымі купюрамі ўжо не расплаціцца. Дык ці варта зараз кідаць туды грошы?
