Орша, Грамадства

Новы суд па зоо-актывістах

18.04.2017 19:16

3019 праглядаў, 0 каментароў

Віцебскі абласны суд 19-га красавіка разгледзіць справу па скандале з Аршанскай спецаўтабазай.

Віцебскі абласны суд у сераду, 19-га красавіка разгледзіць скаргу актывістаў, вядомых як "Хрушы супраць", якіх 22-га сакавіка прысудзілі да буйных штрафаў. Чатыры актывісты атрымалі па 25 базавых велічынь штрафу, двое валанцёраў арганізацыі былі аштрафаваныя на 20 базавых. Вінаватымі ў "пранікненні на ахоўваемую тэрыторыю" валанцёры сябе не прызналі і абскарджваюць прысуд у Віцебскім абласным судзе. Што ж насамрэч адбылося на спецаўтабазе, як паводзілі сябе актывісты і што рабіў работнік спецаўтабазы, супраць якога міліцыя спыніла адміністрацыйную справу, можна паглядзець у відэарэпартажы orsha.eu. Разглядаць скаргі актывістаў на штрафы ад Аршанскага суда будуць у Віцебскім абласным судзе 19-га красавіка. Адрас: Віцебск, вуліца Шубіна, 4. Пачатак пасяджэння аб 11:00.