Афіцыйнае адкрыццё выставы "Праэкты ў асобах" запланавана на сёння - 9 чэрвеня - а 11-00. Для многіх людзей стане сапраўдным адкрыццём наколькі шмат Еўразвяз (які афіцыйны Мінск ледзь не ў ворагі запісвае) дапамагае нашай краіне. Кожны год на гэтую дапамогу выдзяляецца 29 мільёнаў еўра. А тэмы праэктаў, якія фінансуюцца праграмай ЕС розныя ад ахова навакольнага асяроддзя да дапамогі адукацыі і навукі.
Другой важнай падзеяй, якая адбудзецца пад час адкрыцця - выступ новага старшыні выканкама перад аршанцамі. Пры тым, што ўваход на выставу свабодны, то гэта атрымаецца першы публічны выступ Пянькоўскага, які можа пачуць любы. Леанід Канстанцінавіч выступіць з прывітальным словам да прадстаўнікоў ЕС, якія таксама прыедуць на выставу. Мерапрыемства будзе доўжыцца ад 11-00 да 11-30.
