Эксперты сайта realt.by прааналізавалі змены коштаў на нерухомасць (маецца на ўвазе рынак жылля якое было ў выкарыстанні, а не новапабудаваныя шматпавярховікі) у краіне. Выданне адзначае, што за другі квартал пакупнікі нерухомасці больш куплялі кватэраў у рэгіёнах чым у сталіцы, што справакавала падзенне коштаў у Мінску на 0,9%. Але не ўсім рэгіёнам днолькава пашанцавала. Так, уверх пайшлі кошты ў Полацку (на 7,4%), Мазыры (4,2%), Віцебску (3,6%) і Брэсце (2,4%).
У той жа час у Оршы кошт кватэраў знізіўся, адпаведна, людзі меньш чым у названых вышэй гарадах куплялі кватэры. У нашым горадзе кошт квадратнага метра знізіўся ў параўнанні з папярэднім кварталам на 1,6% і дасягнуў 429 даляраў за метар квадратны. Праўда, гэта не такое вялікае падзенне, у параўнанні з іншымі. У Гомелі, напрыклад падзенне склала 2,4% і цяпер кошт квадратанага метра тут - 521 даляр. Найбольш кошты праселі ў Пінску, аж на 9,8%
