Брэйк-данс з'явіўся як вулічны танец, як частка вулічнай культуры ЗША ў мінулым стагоддзі. Спалучэнне танца і неверагодных акрабатычных элементаў хутка зрабіла яго модным і распаўсюджаным. Сёння брэйк-данс прысутнічае на ўсіх кантынентах, але ён рэдка ўспрымаўся як сур'ёзны занятак. Да тае пары пакуль у мінулым годзе не быў уключаны ў праграму юнацкіх алімпійскіх гульняў. Цяпер да брэйк-данса прыцягнута шмат увагі.
Як мы паведамлялі раней, у Оршы знаходзіцца адна з мацнейшых школаў брэйк-данса ў нашай краіне. Узровень нашай школы падцвердзіла і стварэнне Алімпійскай зборнай Беларусі па новым відзе спорта. У зборную ўвайшло пяць юнакоў. Па два з Мінску і Гродна і bboy FlashAR - выхаванец аршанскай школы. Першы раз каманда пакажа сябе 22 кастрычніка ў горадзе Эссэн (Нямеччына) дзе пройдзе кантынентальны адбор на юнацкія алімпійскія гульні, якія адкрыюцца ў наступным годзе ў Буэнас-Айрэсе.
