1 верасня распачынаецца новы навучальны год-2017/18. Міністэрства адукацыі апублікавала новыя цэны на школьныя падручнікі, якія бацькам неабходна заплаціць за іх арэнду. Камплект з 11 падручнікаў для першага класа будзе каштаваць 16,49 рубля, для другога класа - 19,52 рубля (11 кніг), для трэцяга класа 21,96 рубля (13 кніг), для чацвёртага класа - 13,4 рубля (12 падручнікаў).
У сярэдніх класах самы вялікі роскід коштаў на падручнікі: пяты клас - 24,02 рубля (16 кніг), шосты клас - 26,64 рубля (13 кніг), сёмы клас - 40,57 рубля (14 кніг), восьмы клас - 17, 59 рубля (14 кніг).
Для старэйшых класаў падручнікі танней, чым для сярэдніх: дзявяты клас - 16,06 рубля (16 кніг), дзясяты клас - 22,17 рубля (15 кніг), адзінаццаты клас - 27,97 рубля (16 кніг).
Згодна з пастановай урада ад 24 чэрвеня 2011 года, плата за карыстанне падручнікамі і вучэбнымі дапаможнікамі спаганяецца ў памеры 50% ад іх кошту.
