Сустрэча з "Нёманам-Агра" ў Стоўбцах носіць крайне важны характар. "Орша" апынулася перад 20-м турам на 12-й пазіцыі і толькі 6 пунктаў адасабляюць аршанцаў ад зоны вылету з Першай лігі. Таму гульня ў Стоўбцах з яўным аўтсайдэрам чэмпіянату нясе вялікую цану. Складанасць у тым, што стаўбцоўскі клуб мае ўжо няшмат шанцаў уратавацца ад вылету і, безумоўна, адступаць яму ўжо няма куды, "Нёман-Агра" схільны рызыкаваць.
У складзе "Оршы" ў хатнім матчы са "Смаргонню" дэбютаваў нядаўні футбаліст клуба Вышэйшай лігі "Слуцк" Ілля Трачынскі. Імаверна, з'явіцца на полі ён і ў Стоўбцах.
Раней "Орша" сустракалася з "Нёманам-Агра" толькі аднойчы. Гэта было ў першай палове чэмпіянату-2017. Тады "Орша" ўпэўнена перамагла 3:0 на сваім полі, а галы забівалі Дзмітрый Жданок, Аляксандр Гаўрушка і Аляксей Хадневіч.
Матч "Нёман-Агра" — "Орша" адбудзецца 2-га верасня на стадыёне "Юнацтва" ў Стоўбцах. Пачатак а 16-й гадзіне.
оршанец
Видно интересная игра была - ничья 3 - 3.