Часцяком, пад канец дачнага сезону пачашчаюцца выпадкі крадзяжу на загарадных участках. Ужо 7 верасня стала вядома аб двух дачных злачынствах, у адным з якіх загінула пенсіянерка.
Як паведамляе УУС Віцебскай вобласці злачынства адбылося ў Талачынскім раёне ў дачным доме жанчыны 1938 году нараджэньня. У ходзе расследавання высветлілася, што мужчына 1985 года нараджэння пранік ў дом пенсіянеркі з мэтай крадзяжу. Жанчына заспела злодзея на месцы злачынства, пасля чаго мужчына забіў яе, нанёсшы некалькі ўдараў тронкам рыдлёўкі. Далей ён пагрузіў труп на калёсы, адвёз у лес і закапаў. Неўзабаве, зламысніка па гарачых слядах затрымала міліцыя. У дачыненні да яго распачата крымінальная справа.
Другое злачынства абышлося без ахвяр. У гэты ж дзень у РАУС Аршанскага раёна звярнуўся пенсіянер 1956 года нараджэння з заявай аб знікненні электрапілы з двара дачнага дома. Адбылося гэта з перыяд з 30 жніўня па 7 верасня. Шкода склала 100 рублёў. У хуткім часе супрацоўнікі міліцыі затрымалі злачынца, ім апынулася жанчына 1962 года нараджэння. Па факце крадзяжу таксама ўзбуджана крымінальная справа.
