Рэгіён, Здарэнні

Наркотыкі ў Міцькаўшчыне

13.09.2017 13:29

3306 праглядаў, 3 каментара

У Міцькаўшчыне знойдзены "схоў" марыхуаны.

Пакуль размовы пра легалізацыю марыхуаны ў Беларусі знаходзяцца на зачаткавым узроўні, ды і вельмі мала краін дазволілі свабодна яе вырошчваць і ўжываць. У нашай, напрыклад, гэта крымінальная адказнасць. Напярэдадні ў Аршанскім раёне міжраённы аддзел Следчага камітэту пачаў крымінальную справу па артыкуле за незаконнае абарачэнне наркатычных сродкаў, псіхатропных рэчываў, іх прэкурсораў і аналагаў. Жыхар Оршы, беспрацоўны, захоўваў 1,5 кілаграмы высушанай марыхуаны ў доме свайго прыяцеля, жыхара вёскі Міцькаўшчына. 11 верасня пра схоў дазналіся супрацоўнікі Аддзелу па наркакантролю і гандлю людзьмі і наведалі дом. Там і была знойдзена марыхуана.