Следства склончылася зусім нядаўна, хаця здарэнне адбылося яшчэ днём 24 мая. Увесь гэты час супрацоўнікі Следчага камітэту спрабавалі аб'ектыўна разабрацца ў тым хто вінаваты ў здарэнні. Як высветлілася 20-гадовая жанчына ехала ў бок Багушэўска з трыма непаўнагадовымі пасажырамі: 17-гадовая дзяўчынка на пярэднім пасажырскім сядзенні і на заднім сядзенні 16 і 17-гадовыя жыхары Багушэўска. Кіроўца яшчэ не мела стажу кіравання транспартам у 2 гады, пры гэтым, ехала з перавышэннем хуткасці. А яе пасажыры на заднім сядзенні былі не прышпілены рамянямі бяспекі. На даволі кепскай дарозе яна разагналася да 90 кіламетраў у гадзіну і на закругленні дарогі не справілася з кіраваннем машынай. Форд Фокус, які належаў ейнаму бацьку, і якім кіравала дзяўчына выехаў на сустрэчную паласу дзе сутыкнуўся з ВАЗ-2121 пад кіраваннем 75-гадовага жыхара вёскі Некрашэва.

У выніку здарэння пасажыры Форда 17-гадовая дзяўчына 16-гадовы хлопец атрымалі траўмы ад якіх загінулі. Кіроўца ВАЗа і яго 40-гадовы пасажыр атрымалі цяжкія траўмы і былі шпіталізаваныя.

Цяпер справа перададзена ў суд, а 20-гадовую дзяўчыну, якая кіравала бацькіным Фордам вінаваціцца па артыкуле "Парушэнне правілаў дарожнага руху, што пацягнула за сабой па неасцярожнасці смерць двух асобаў і нанясенне цяжкага цялеснага пашкоджання." Акрамя таго на аўтамабіль і на маёмасць абвінавачваемай накладзены арышт.