35-гадовы аршанец, пачуўшы пагоню, пачаў хавацца ў лесе, а рэшткі лася, якія былі ў ягоным заплечніку, выкінуў разам з ім. Аднак гэта не схавалася ад увагі работнікаў Дзяржаўнай інспекцыі аховы жывёльнага і расліннага свету. Яны затрымалі мужчыну, які, як высветлілася, раней працаваў у гэтай паляўнічай гаспадарцы і быў звольнены за садзейнічанне браканьерам. Але мужчына так і не кінуў паездкі на Дубровеншчыну на тэрыторыю сваёй старой гаспадаркі. І быў злоўлены з тушай лася.
Як паведамляе сайт інспекцыі, браканьер некалькі разоў мяняў свае паказанні ў зале судовых пасяджэнняў, аднак суд абвінаваціў яго ў раздзелванні і перамяшчэнні лася. Акрамя таго, праведзеная экспертыза паказала, што на нажы браканьера менавіта ласіная кроў. Сваякі былога егера выплацілі 6,9 тысячы рублёў за шкоду прыродзе, пакуль той быў у Следчым ізалятары. Цяпер, паводле рашэння суда, за незаконнае паляванне на лася, мужчына выплаціць 3,5 тысячы рублёў штрафу, ён на 2,5 гады пазбаўлены права паляваць. Больш за тое, аўтамабіль "Фольксваген" і дзве стрэльбы, што належаць 35-гадоваму аршанцу, будуць пад арыштам да тае пары, пакуль ён не выплаціць штрафы.
