Ранішні рэйс аўтобуса Зубрэвічы-Оршы, які ў Балбасава павінен быў быць а 7-07 не змог своечасова прыйсці на прыпынак з-за таго, што патрапіў у аварыю - паведамляюць відавочцы. Не далёка ад саміх Зубрэвічаў адкуль пачаўся рэйс, кіроўца аўтобуса не справіўся з кіраваннем і аўтобус вылецеў з дарогі. У салоне ў гэты час было ўсяго толькі 4 пасажыры. Але для таго каб выцягнуць аўтобус на дарогу спатрэбілася дапамога тэхнічнай службы аўтапарка. Працэс вяртання аўтобуса ў рэйс заняў каля 40 хвілін.
Найбольш пацярпелі не тыя пасажыры, якія ехалі ў аўтобусе і не сам аўтобус (ён змог працягнуць рух), а тыя людзі, якія хацелі стаць пасажырамі аўтобуса падсеўшы ў Балабасва - за 40 хвілін тут сабралося не меньш за 5 дзесяткаў чалавек. Пры гэтым, чамусці ў гэты час не было не толькі аўтобуса, але і маршрутных таксі.
