Поздна вечарам 8-га чысла абласное ДАІ распаўсюдзіла інфармацыю, што каля вёскі Грышаны невядомы аўтамабіль наехаў на пешахода, які ішоў на аўтобусны прыпынак. Пасажыр атрымаў траўмы рознай ступені цяжкасці і быў дастаўлены ў бальніцу. А кіроўца машыны паспрабаваў схавацца з месца здарэння. З дапамогай паведамлення ў сацыяльных сетках, ДАІ спрабавала знайсці відавочцаў здарэння.
Знайсці віноўніка ДТЗ атрымалася з дапамогай вывучэння камераў відэаназірання на адной з заправак не далёка ад месца здарэння. Увагу міліцыянтаў прыцягнулі неадэкватныя паводзіны кіроўцы і пасажыраў аўтамабіля, які спыніўся на запраўцы.
У ходзе следства, спачатку ўдалося выйсці на пасажыраў аўтамабіля, а потым ужо на яго кіроўцу, які аказаўся жыхаром Асінторфа 1982 года нараджэння. Ва ўсіх маладых людзей з аўтамабіля быў выяўлены ў крыві алкаголь, а ў машыне - якую схавалі ў іншым населеным пункце - выявілі адкрытыя і закрытыя бутэлькі з алкаголем. Машына мела характэрныя пашкоджанні левай пярэдняй часткі - разбітая фара, люстэрка і лабавое шкло.
