Сустрэча ініцыяваная грамадскімі арганізацыямі і будзе тычыцца далейшга лёсу будынка былога кіна-відэа-пракату. Будынак гэты пасля таго як кіна-відэа-пракат быў зачынены перайшоў на баланс камунальшчыкаў, але тыя не змаглі справіцца з ім. У выніку, у памяшканні былі адключаныя ўсе камунікацыі, абрэзана электрычнасць, спілаваныя батарэі ацяплення. Потым памяшканнем валодалі прадпрымальнікі, якія сам будынак амаль не выкарыстоўвалі і з цягам часу кіна-пракат прыходзіў ва усё больш і больш горшы стан. Больш за тое, памяшканне засталося амаль без замкоў і ў ім пачалі збірацца асацыяльныя асобы. Пасля таго як у памяшканні невядомыя пачалі паліць вогнішчы, за памяшканне ўзялася мясцоваая моладзь. Замест камунальшчыкаў яны закалацілі вокны і дзверы, паставілі замок, пачалі ганяць адтуль сумніўных асобаў і прыбралі частку будаўнічага смецця. Але гэта не вырашае праблему і маладыя людзі звярнуліся за дапамогай да грамадскай арганізацыі "Звяз", а тая ў сваю чаргу да выканкаму. У выніку, ў чацьвер 21 снежня а 16-00 каля будынка па Матросава 40 збяруцца мясцовя жыхары, камунальшчыкі і прадстаўнікі выканкаму, каб абмеркаваць сітуацыю з будынкам і яго далейшы лёс. Звычайна на такіх сустрэчах акрамя абмеркавання асноўнага пытання можна задаць і свае пытанні, якія хвалююць мясцовых жыхароў.