24-га снежня ў перыяд часу з 13:10 да 14:40 невядомы злачынца скраў з сумкі ў 61-гадовай жанчыны грошы. Яны ляжалі ўнутры гаманца, які знаходзіўся ў сумцы. Крадзеж адбыўся тады, калі жанчына знаходзілася ў павільёне гандлёвага цэнтру "Ніка". Скрадзеная сума - 55 рублёў. Пачата крымінальная справа па частцы 1 артыкулу 205 Крымінальнага кодэксу Рэспублікі Беларусь. Чалавека, які скраў грошы і, магчыма, з'яўляецца "прафесійным" злачынцам, пакуль не высветлілі, яго шукаюць.
Міліцыя папярэджвае, што злодзеі-кішэннікі і махляры часта збіраюцца ў гандлёвых цэнтрах, на рынках і ў іншых месцах масавага згуртавання людзей. Там ім прасцей застацца беспакаранымі за свае злачынствы. Таму просьба да людзей уважліва сачыць за сваімі рэчамі.
