Традыцыйна на праваслаўнае Хрышчэнне не мала вернікаў (і не толькі вернікаў) робяць абрад амывання ў зімой сцюдзёнай вадзе. Лічыцца, што менавіта ў гэтыя дні (паводле рускай праваслаўнай царквы менавіта ў гэтыя дні ў рацэ Іардан хрысціўся сам Ісус Хрыстос) вада набывае цудадзейныя здольнасці і акунуўшыся ў халодную праточную ваду можна зхдабыць здароўе на цэлы год і ачысціцца ад грахоў - царква, праўда, трактуе гэта крыху па іншаму. Тым не меньш попыт на зімовае купанне ў гэтыя дні ёсць. Партал tut.by прыводзіць спіс месцаў дзе 18-19 студзеня будуць дзяжурыць ратавальнікі і медыкі для бяспечнага спраўлення абраду.

У Оршы пакупацца можна на Дняпры каля самой ратавальнай станцыі. 18 студзеня тут будуць дзяжурыць адмысловыя службы з 18-00, а 19-га чысла з 8-00. У сувязі з высокай вадой у Дняпры, у іншым месцах і без нагляду спецыялістаў заходзіць у ваду небяспечна!

У Дубровенскім раёне акунуцца можна будзе каля вёскі Лапырі ў вядомай Кірыеўаскай крыніцы 19 студзеня з 10-00 да 17-00.

У Лёзненскім раёне ў вадаёме на вуліцы Курортнай 18 студзеня з 21-00 да 23-00. І ў купелі каля вёскі Дабрамыслі ў той жа дзень з 20-00 да 22-00.

У Сянно ў купелі на вуліцы Карла Маркса 19 студзеня з 19-00.

Найбольш месцаў вызначана ў Талачынскім раёне:

У вёсцы Скарапуцева ў штучнай драўлянай купальні 19 студзеня з 16-00 і да гадзіны ночы.

У вёсцы Серкавіцы ў штучнай купальні 19 студзеня ў той жа час з 16-00 да гадзіны ночы.

І ў каплічцы каля вёсцы Друцк у той жа час.