Следчы камітэт абвесціў, што супраць дырэктара Круглянскага ПМК №266 Мікалая Патрончыка заведзена крымінальная справа за выкарыстанне службовага становішча ў мэтах уласнай нажывы. У той жа дзень калі стала вядома пра затрымання галоўнага круглянскага будаўніка, ён быў затрыманы разам са сваім 31-гадовым малодшым сынам. Следчыя мяркуюць, што па ўказанні Патрончыка-старэйшага малодшы зарэгістраваў на свайго знаёмага ІП (хаця справамі займаўся сам), які прадаваў для ПМК аўтамабільныя запчасткі. Прычым кошт запчастак у некаторых выпадках быў у два разы вышэй за закупачны. То бок, "накрутка" ІП у такіх выпадках складала 100%.
У выніку такіх дзеянняў, лічаць следчыя, сямейная пара атрымала даходу за кошт дзяржаўнага ПМК каля 500 тысяч даляраў.
Мікалай Патрончык заслужаны будаўнік краіны, у СМІ з'яўлялася інфармацыя, што ён з'яўляецца ледзь не асабістым сябрам прэзідэнта і ў свой час той планаваў прызначыць Патрончыка-старэйшага міністрам. ПМК №266 таксама не звячайнае прадпрыемства, а даволі вядомае і адно з найбольш паспяховых будаўнічых арганізацый у рэгіёнах. Заказы арганізацыя атрымлівала не толькі ў сваім раёне, але і ў іншых суседніх з Аршанскім адміністратыўных адзінках, напрыклад, у Талачынскім раёне. У Шклоўскім раёне ПМК будавала лядовы палац і добраўпарадкоўвала вёску Александрыя, у тым ліку, будавалі Александрыйскую рэзідэнцыю Лукашэнкі.
Пакуль сямейтсва Патрончыкаў знаходзіцца пад арыштам, на маёмасць накладзены арышт, але ці дойдзе справа да рэальных тэрмінаў пакул ьзастаецца пытаннем. Па-першае дырэктар ПМК карыстаўся павагай не толькі сярод чыноўнікаў, але і сярод мясцовых жыхароў, якія не вераць у тое, што ён мог быць замяшаны ў карупцыйных схемах. Па-другое ў будаўнічай сферы даволі шмат карупцыі і не заўсёды яна даходзіць да крымінальнай адказнасці. Можна ўзгадаць справу аршанскага намесніка старшыні выканкаму Івана Хурбатава, які па версіі следства спрыяў таму, каб фірма ягонага сына атрымлівала заказы ад выканкама. Справа ў выніку не дайшла да суда.
