Нагадаем, што 7 лютага на выездзе з Оршы ў бок Хорабрава адбылася аварыя з удзелам грузавіка Газ і легкавога аўтамабіля. Афіцыйныя службы так і не распавялі пра прычыны і абставіны здарэння. Але дарога ў гэты час не была пустою і ў аварыі былі сведкі. Больш за тое, здарэнне аказалася запісанае на відэа-рэгістратар.
Як распавялі нашаму сайту сведкі здарэння, на слізкай дарозе легкавы аўтамабіль Сітраэн на вялікай хуткасці выехаў на сустрэчную паласу дзе і сутыкнуўся з грузавіком ГАЗ, які належаў "Спецаўтабазе" і перавозіў смецце. Ад удару грузавік некалькі разоў павярнула на дарозе вакол сваёй восі. Сказаць які аўтамабіль больш пацярпеў складана - Сітраэн моцна пашкодзіў бампер і ўвогуле пярэднюю частку. А ў зрузавіка ад удару адваліўся карданны вал - рэдкае пашкоджанне пры аварыях.
У аварыі ледзь не пацярпеў і яшчэ адзін аўтамабіль - джып, якому каб ухіліцца ад сутыкнення давялося з'ехаць з дарогі і абыходзіць аварыю "па полі".
