Орша, Здарэнні

Чаромушкі без ацяплення

11.02.2018 09:01

2344 прагляду, 1 каментар

Цэлы дзень жыхары мікрараёна Чаромушкі былі без ацяплення - аварыя на трубаправодзе

Пра прарыў трубаправода цеплатрасы мясцовыя жыхары паведамілі а 10-20 у чацьвер 8 лютага. Камунальнікі зрэагавалі даволі хутка - прарыў у тры сантыметры быў выяўлены на трубе не далёка ад дома 60 па вуліцы Міра (адзін з пяціпавярховікаў за крамай "Белвест"). Акрамя таго, што адмысловыя службы знайшлі месца прарыва і хутка пачалі яго задзелваць, па раёне былі развешаны абвесткі, што ацяплення не будзе да 18 гадзін. Праўда, справіцца да 18 гадзін не атрымалася і ўвесь мікрараёне быў без ацяплення амаль 9 гадзін. Як паведамляе зводка МНС, паўнавартасная работа цеплатрасы была адноўлена ў 19-05. Увесm гэты час без цяпла зўаставаліся батарэі 63 шматкватэрных дамоў 4 установы адукацыі і паліклініка са скурана-венералагічным дыспансэрам.