Віктар Мікалаевіч Яскевіч сыйшоў з дома яшчэ 13 лютага гэтага году раніцай каля 9 гадзін. І з тае пары дамоў мужчына не вяртаўся. 2 сакавіка сайт абласной міліцыі апублікаваў асаблівыя прыкметы Віктара Мікалаевіча. Ён 1952 года нараджэння, на выгляд 60-65 год. Рост 175-180 сантыметраў, валасы сявыя, плотны целасклад. Мае вялікую сівую бараду і вусы.
Быў апрануты ў скураную куртку чорнага колеру, гумовыя боты зялёнага колеру, штаны карычневыя. На левай голені татуіроўка ў выглядзе русалкі, на пальцах левай рукі татуіраваны надпіс "Люда", а на правай малюнак узыходу сонца і надпіс ВДВ. Пры сабе меў чорны заплечнік з чырвонай паласой.
Калі вам нешта вядома пра зніклага, вас просяць пазваніць па тэлефонах: о-0216-218826, 8144943, 7666042 (МТС), або ў бліжэйшае аддзяленне міліцыі.
