Забарона звязана з маючым адбыцца нерастам. Працягнецца ён да 30 траўня ўключна. У гэты час рыбачыць можна толькі адной вудай з адным кручком або адным спінінгам, аснашчаным штучнай прынадай, з адным адзінарным, або двайным, ці трайным кручком у светлы час сутак з берага (без заходу ў ваду) альбо з лёду, з штучных збудаванняў. Ўжыванне любых іншых інструментаў або спосабаў лоўлі ў перыяд забароны кваліфікуецца як парушэнне і цягне накладанне штрафу ў памеры ад 20 да 50 базавых велічынь (1 БВ цяпер складае 24,5 беларускіх рублёў), піша БелТА.
Таксама за вылаўленую забароненым спосабам або прыладай рыбу парушальнік абавязаны пакрыць шкоду, які ў дадзены перыяд вылічаецца ў трайным памеры. Прычыненне шкоды на суму 100 і больш базавых велічынь з'яўляецца падставай для распачынання крымінальнай справы.
На працягу ўсяго перыяду забароны нельга выкарыстоўваць маламерныя судны - не толькі для рыбалоўства, але і для іншых мэтаў. Падчас нераставага абмежавання лоўлі рыбы ў мінулым годзе ў вобласці было выяўлена 137 парушальнікаў вядзення рыбалоўнай гаспадаркі і рыбалоўства. Да крымінальнай адказнасці прыцягнуты 27 чалавек. З 20 сакавіка гэтыя абмежаванні пачалі дзейнічаць у рыбалоўных угоддзях Берасцейскай і Гомельскай абласцей (па 18 траўня), у Менскай і Гарадзенскай абласцях, як і ў Магілёўскай вобласці, - з 1 красавіка. Пазней за ўсіх абмежаванне ўводзіцца ў Віцебскай вобласці - з 10 красавіка па 8 чэрвеня.
Тэрміны агульнага вясновага нераставага абмежавання перасякаюцца з лакальнымі нераставымі забаронамі, усталяванымі асобна на некаторыя віды рыбы: шчупака, судака, сама. Такую рыбу, злоўленую ў перыяд дзеяння лакальнай забароны, неабходна адпусціць назад у вадаём.
