Рэгіён, Грамадства

Мёртвыя душы ў Дуброўна

31.03.2018 08:10

4016 праглядаў, 0 каментароў

За звольненых людзей заробак атрымлівала адміністрацыя прадпрыемства

Ажно больш за пяць гадоў бухгалтар і дырэктар аднаго з прадпрыемстваў Дуброўна атрымлівалі заробкі звольненых людзей. Сайт Следчага камітэту, распавядаючы пра справу, не называе само прадпрыемства - паведамляецца толькі, што гэта дубровенскі філіял больш буйной арганізацыі. Траіх работнікаў прадпрыемства звольнілі даўно, але заробак іхны налічвалі штомесячна. Заробкі паступалі на карткі, якімі валодалі бухгалтар і дырэктар. Пры вобшуку была знойдзена, прынамсі, адна такая картка і больш за 11.700 даляраў. Агулам заробак на які намухлявалі кіраўнікі філіяла ацэнены ў 174.000 рублёў. На дадзены момант двое падазраваных - 57 гадоў і 54 - узятыя пад варту і распачатая крымінальная справа. У аднаго з іх арыштавана 35.000 рублёў, у другога 13.000. Канфіскаваны таксама аўтамабілі падазраваных.