Інфармацыя, якую на сваім сайце разам з новымі фотаздымкамі з месца здарэння размясціў Следчы камітэт, тычыцца здарэння, якое адбылося вечарам 6 красавіка на скрыжаванні Магілёўскай і Салянікава. Тут вечарам 8-гадовы трэццекласнік пераходзіў дарогу па пешаходным пераходзе на скрыжаванні са светлафорамі. У гэты момант жанчына на Фольксвагене Пасат паварочвала з Магілёўскай на Салянікава (левы паварот) і збіла школьніка. Хлопчык з адкрытым пераломам нагі быў дастаўлены ў бальніцу. Варта нагадаць, што на дадзеным скрыжаванні светлафор мае дадатковую секцыю, якая і рэгулюе левы паварот з Магілёўскай на Салянікава. Магчыма, менавіта з гэтай секцыяй жанчына і заблыталася.
Пасля папярэдняга разбіральніцтва, супраць 34-гадовай жанчыны, якая была за стырном аўтамабіля распачатая крымінальная справа па артыкуле парушэнне правілаў дарожнага руху, якое пацягнула прычыненне цяжкага цялеснага пашкоджання. Ізаляваць жанчыну не сталі, яе мера абмежавання - пісьмовы абавязак явіцца па выкліку ў праваахоўныя органы.
Следчыя звяртаюцца да ўсіх хто мог бачыць дадзенае дарожна-транспартнае здарэнне, паведаміць пра яго абставіны па тэлефонах: +375-33-3998044 або 8-02160282643.
