У Аршанскім раёне ў пенсіянера 1952 году нараджэння скралі 20 тысяч рублёў РФ. Цікава, што здарылася гэта яшчэ ў ноч на 16 студзеня, а мужчына звярнуўся ў міліцыю толькі 21-га сакавіка. А стала вядома пра крадзеж толькі цяпер, са зводкі УУС Віцебскага аблвыканкама. Пачата крымінальная справа па частцы 1 артыкулу 205 Крымінальнага кодэксу Рэспублікі Беларусь.
А ў Талачынскім раёне ў «органы» звярнуўся равеснік пацярпелага на Аршаншчыне пенсіянера. Ён паведаміў, што з 15 гадзін 18-га красавіка да 8 гадзін 19-га красавіка невядомы злачынца скраў у яго цыркулярную пілу. Скрадзена яна была з веранды незачыненага дома. Матэрыяльная шкода ад скрадзенага 600 рублёў. Пачата крымінальная справа па частцы 2 артыкулу 205. Злачынцу, які незаконна завалодай пілой, шукаюць.
