Нараджэнка Сянна Ірына Крыўко, якая ўзімку заваявала самы важны тытул у сваёй біятлоннай кар`еры, калі стала алімпійскай чэмпіёнкай Пхёнчхана-2018 у эстафетнай жаночай гонцы, выйшла замуж. У сваім інстаграме Ірына размясціла фотаздымак, які падпісала лаканічна «Семья».
Цікава, што пра сваё вяселле Крыўко заявіла яшчэ да Алімпіяды, калі заваявала срэбра ў гонцы з масавым стартам у французскім Ансі на этапе Кубка свету. Тады якраз яна і прызналася, што неўзабаве выйдзе замуж за сэрвісмэна беларускай зборнай Арцёма Лешчанку.
