Змены сярод аршанскіх чыноўнікаў працягваюцца. На гэты раз з пасады "сыйшлі" Ганну Аляксандраўну Святлову, якая шмат год узначальвала аддзел ідэалогіі і кульутры. Найбольш Ганна Аляксандраўна можа запомніца аршанцам шматлікі забаронамі мерапрыемстваў, што двойчы вылівалася ў сродкі масавай інфармацыі, прынамсі, забарона выступу аднаго з цыркаў і канцэрту артыста дзяржаўнай філармоніі Сяржука Доўгушава. Таксама за час працы Святловай у Оршы знік музей Заслонава. З іншага боку, у яе часы ў Оршы з'явілася кіна-заля, а дом культуры Ільнокамбіату стаў гарадскім домам культуры.
Па нашай інфармацыі, зусім без пасады Святлова ўсё адно не застанецца - чыноўніца пераходзіць працаваць дырэктарам школы мастацтваў №2. Гэтая пасада была вакантная на працягу амаль паўгады пасля сыходу папярэдняга дырэктара на пенсію.
З прыходам новага мэра, дарэчы, чуткі пра кадравыя змены ў выканкаме сталі з'яўляцца вельмі часта. Відавочна, што гэта не апошняя змена ў падраздзяленнях выканкаму.
Фота з сацыяльнай сеткі Valet.ru
