Рэгіён, Здарэнні

17 год за забойства

11.06.2018 11:02

2591 прагляд, 0 каментароў

Скончыўся суд над 34-гадовым мужчынам, які ў Маскоўскай вобласці ўдзельнічаў у забойстве лесарубаў-беларусаў

Гаворка ідзе пра забойства, якое здарылася 23 лютага 2014 года. Тады ў падмаскоўі пасля адзначэння дня абаронцы Айчыны, пасварыліся паміж сабой дзве брыгады лесарубаў з Беларусі. Чацвёра мужчынаў з адной брыгады накінуліся на траіх з іншай. З той брыгады, якая прайграла двое загінулі на месцы, а трэці выжыў дзякуючы дактарам. З брыгады-пераможцы двое мужчынаў былі на наступны дзень раыштаваныя. А двое схаваліся ў Беларусі: адзін у Талачынскім раёне, другі ў Сененскім. Талачынца забілі ў 2016 годзе, застаўся апошні ўдзельнік тых падзеяў. 34-гадовы забойца, які працягваў хавацца ад паліцыі і міліцыі, быў не так даўно арыштаваны. На мінулым тыдні 7 чэрвеня скончыўся суд, які прыгаварыў гэтага мужчынуда 17 гадоў зняволення. Тыя хто быў асуджаны ў Маскве атрымалі, дарэчы, па 18 гадоў. Акрамя таго з калоніі ўзмоцненага рэжыву забойца павінен будзе кампенсоўваць маральную шкоду родзічам забітых. Па 20 і 32 тысячы рублёў. Выжыўшы пацярпелы запыт кампенсацыі не рабіў - паведамляе tut.by.