На мінулым тыдні ў Оршы прайшла даволі ўнікальная сустрэча - на прыём да старшыні выканкаму запісалася група родзічаў ахвяраў сталінскіх рэпрэсіяў. На прыём прыйшло 6 чалавек - родзічы тых каго забілі ў Орыш і гісторык Юрка Копцік, які ў пачатку 90-х даследваў тэму растрэльных лясоў вакол Оршы. Усе прысутныя родзічы раней ужо накіроўвалі свае звароты ў выканкам з просьбай вызначыць месца для мемарыялу па ахвярах сталінскіх рэпрэсій, але атрымлівалі даволі аднатыпныя адказы, што чыноўнікі не маюць дастатковай колькасці звестак для стварэння мемарыялу. Хаця ў канцы 1980-1990 гэтая тэма даволі актыўна вывучалася. Вакол Оршы былі знойдзены, прынамсі, 6 месцаў масавых растрэлаў, адно з іх - Кабыляцкая гара - вывучана адмысловай камісіяй, былі створаны спісы ахвяраў рэпэрсій, якія часткова апублікаваныя ў афіцыйных выданняў.
Прысутныя прадставілі копіі некаторых дакумантаў, у тым ліку, і тыя якія давала КДБ, кнігу "Памяць", артыкул з "Лененскага прызыву" (ранейшая назва "Аршанскай газеты"). І хаця размова, па словах родзічаў растраляых, была вельмі добразычлівая, вынік яе будзе вядомы толькі праз месяц - за гэты час чыноўнікі павінны даць афіцыйны адказ па звароту.
