Дайшло да таго, што сітуацыю абмеркавалі на асобным паседжанні ў Віцебскім гарадскім аддзеле па надзвычайных сітуацыях. Прысутнічалі на паседжанні і супрацоўнікі ДАІ, якія распавялі страшную статыстыку па мотааварыях у Оршы, як вельмі паказальны прыклад. Так, паведамляе суполка абласнога ДАІ ў сац.сетках, 9, 10 і 11 чэрвеня ў Оршы ў выніку трох штодзённых аварыяў адзін чалавек загінуў, а трое атрымалі траўмы і былі шпіталізаваныя.
Нагадаем, што 9 чэрвеня аварыя з удзелам матацыкліста адбылася на вуліцы Воз-ан-Влен. Тут - па версіі ДАІ - кіроўца Мэрсэдэса не прапусціў матацыкліста, выязжаючы з дваровай тэрыторыі. У выніку матацыкліст 1982 года нараджэння атрымаў траўмы.
10 чэрвеня вечарам аршанец 1970 года нараджэння на мапедзе "Дэльта" не справіўся з кіраваннем, выехаў з дарогі і перакуліўся. Мужчына таксама атрымаў траўмы.
Трэці выпадак самы нашумелы - аварыя на вуліцы Леніна. Калі матацыкліст 1986 года не справіўся з кіраваннем і ўпаў. Хлопец загінуў, бо быў без шлема, а ехаўшая з ім пасажырка 1998 года нараджэння апынулася ў бальніцы.
