Супрацоўнікамі АБЭЗ КМ Аршанскага РАУС устаноўлена, што мясцовы жыхар, выконваючы абавязкі дырэктара філіялу аднаго з сельгаспрадпрыемстваў раёна, па папярэдняй змове з галоўным эканамістам дадзенага прадпрыемства склалі фіктыўны нарад на здзельную працу і аплатную ведамасць на выдачу заработнай платы. У выніку яны атрымалі з касы 1,3 тыс. рублёў, якія выкарыстоўвалі ў асабістых мэтах.

Пазней дырэктар, але ўжо з галоўным бухгалтарам і бухгалтарам-касірам з мэтай утойвання вяртання грашовых сродкаў за залішне налічаную і выплачаную як яму, так і іншым работнікам прадпрыемства заработнай платы ў агульным памеры 1,1 тыс. рублёў, арганізаваў унясенне службовай асобай заведама непраўдзівых звестак і запісаў у прыходны касавы ордэр.

Акрамя таго, мужчына арганізаваў пастаўку ў адрас філіялу бытавой тэхнікі з аплатай за пастаўку ў суме 1490 рублёў у рамках заключанага дагавора, замест шасцярней, якія фактычна на прадпрыемства не паступалі, паведамляе сайт УУС Віцебскай вобласці.

Судом Аршанскага раёна і г. Оршы па артыкулах «крадзеж шляхам злоўжывання службовымі паўнамоцтвамі» і «службовы падлог» мужчына асуджаны на 4 гады пазбаўлення волі з ужываннем адтэрміноўкі выканання асноўнага пакарання ў выглядзе пазбаўлення волі тэрмінам на 2 гады, з канфіскацыяй маёмасці. Прысуд уступіў у законную сілу.