Першы дзень верасня - традыцыйнае свята Дзень ведаў. Але для многіх, асабліва для школьнікаў, гэтае свята бывае горкім. У гэтым годзе школьнікам можна не толькі пасумаваць ад вяртання ў школу, але і павесяліцца на шэрагу мерапрыемстваў, якія пройдуць у горадзе. Так, 1 верасня ў дзіцячым парку "Казачная краіна" з 13-00 пачнецца тэатралізаваная гульнявая праграма "Дзень ведаў". Кошт квітка 2 рублі 50 капеек.
А 16-00 у горадзе пачнецца фестываль фарбаў "Холі". Сама прысутнасць на фестывалі бясплатная, але каб прыняць актыўны ўдзел трэба будзе на месцы купіць фарбы. У анонсах гэтага мерапрыемства былі памылкі: гаварылася, што фестываль пройдзе на "Цэнтральнай" плошчы, але такога тапоніма ў Оршы няма. У народзе не рэдка так называюць плошчу каля Універмага, але "Холі" пройдзе не там. У другім выпадку гаварылася, што фестываль пройдзе каля "Ратушы", але і ратушы ў Оршы няма. Насамрэч, пакідацца фарбамі можна будзе каля былога Езуіцкага калегіюма.
Сваю забаўляльную прагараму прапануе і гандлёвы цэнтар "Цэнтрум". Мерапрыемства пройдзе з 17 да 20 гадзін на паркоўцы гэтай установы, удзел бясплатны.
