Замест Андрэя Расолькі хакейны клуб "Лакаматыў" ўзначаліў расейскі спецыяліст Ігар Жылінскі. Яго прыезд на працу ў Оршу прагназаваўся яшчэ і раней, а зараз усё пацвердзілася афіцыйным паведамленнем клуба.
Жылінскі Ігар Валянцінавіч — савецкі і расейскі хакеіст, расейскі трэнер па хакеі з шайбай. Майстар спорту па хакеі. Заслужаны трэнер РФ, працаваў з клубамі КХЛ. У мінулым сезоне 55-гадовы спецыяліст узначальваў клуб ВХЛ — ХК "Разань". Раней расейскі спецыяліст працаваў у такіх хакейных клубах, як омскі "Авангард", маскоўскае "Дынама", новасібірская "Сібір" і тальяцінская "Лада".
У першым матчы пры новым трэнеры "Лока" на выездзе па булітах абыграў "Пінскіх Ястрабаў" (1:1 у асноўны час).
На дадзены момант "Лакаматыў" мае 18 ачкоў і займае 2-е месца ў Экстралізе Б. Наперадзе толькі "Магілёў" з 24-ма.
