Толькі раніцай мы пісалі, што ў рэгіёне павялічылася колькасць аварыяў з чалавечымі траўмамі і тут жа чарговае паведамленне ДАІ пра чарговую аварыю.
На гэты раз аварыя адбылася ў суседнім Лёзненскім раёне на дарозе Стасева-Высачаны-Ільечоўка. Гэта дарога, якая аб'ядноўвае трасу Е95 і трасу Віцебск-Смаленск. На адным з закругленняў дарогі жанчыну, якая кіравала аўтамабілем Аўдзі 80, асляпіла сонца, якое ўжо ішло на закат і ад таго было вельмі яскравым. Жанчына з-за гэтага выехала на сустрэчную паласу дзе і сутыкнуліся з аўтамабілем Опель-Астра пад кіраваннем маладога кіроўцы 1995 года нараджэння. У выніку аварыі пацярпелі людзі з абодвух транспартных сродкаў. З Аўдзі-80 у бальніцу з траўмамі патрапіла кіроўца-жанчына, а з Опеля пасажыр 2001 года нараджэння.
