Нацыянальны акадэмічны канцэртны аркестр Беларусі прэзентуе ў лістападзе праграму «Уладзімір Караткевіч: Быў, ёсць, буду».
Мастацкі кіраўнік калектыву, народны артыст Беларусі, прафесар Міхаіл Фінберг распавёў Белта пра будучы выступ ў Оршы.
"Для аркестра вялікая адказнасць рыхтаваць гэтую праграму. Я асабіста быў знаёмы з Уладзімірам Караткевічам і ў чарговы раз хачу паказаць шырыню і шматграннасць яго таленту. Назва праграмы выбрана не выпадкова. Менавіта так называўся зборнік вершаў беларускага празаіка і паэта. Прэзентацыя праграмы адбудзецца 27 лістапада ў Оршы на радзіме Уладзіміра Караткевіча", - расказаў Міхаіл Фінберг.
Канцэрт адбудзецца ў 19:00 у Гарадскім цэнтры культуры. За год Нацыянальны акадэмічны канцэртны аркестр Беларусі паспявае падрыхтаваць да 70 разнастайных праграм, ніхто ў краіне не працуе гэтак жа плённа.
