У рэгіёне ахвярамі злачынцаў працягваюць станавіцца зачыненыя на зіму лецішчы. Зводка абласной міліцыі паведамляе пра чарговы крадзёж, які адбыўся ў перыяд з 1 па 24 лістапада. Пра тое, што яго лецішча абакралі паведаміў пенсіянер 1938 года нараджэння. Злачынца залез у сарай лецішча і скраў бензатрымер. У дачны дом злачынца не палез. Праваахоўныя органы ацанілі страты пенсіянера ў 166 рублёў, заведзена крымінальная справа.
Таксама зводка паведамляе пра крадзёж у Сененскім раёне. Тут злачынца залез у чужы падвал. Пра гэта паведаміў мужчына 1974 года нараджэння Па яго словах, крадзёж мог адбыцца ў перыяд з 1-га па 18 лістапада. З падвала злачынца вынес перфаратар і шурупавёрт. Ацэначная сума стратаў - 430 рублёў. Супрацоўнікі міліцыяі выявілі злачынцу - ім аказаўся раней судзімы 30-гадовы мужчына, які вёў асацыялны лад жыцця.
