Гаворка ідзе пра выпадак, які адбыўся 17 снежня на трасе М1 у Талачынскім раёне. Аўтамабіль КІА выехаў на сустрэчную паласу дзе сутыкнуўся з грузавіком-эвакуатарам. У выніку аварыі трое з чатырох чалавек якія знаходзіліся ў машыне загінулі. У жывых застаўся толькі 3-гадовы - малодшы - сын кіроўцы. Як высветлілася пазней за стырном быў Андрэй Шчарбакоў - брамнік футболнага клуба Віцебск, які ў гэтым сезоне разам з каманадй заняў 4 месца ў чэмпіянаце краіны.
3-гадовы дзіцёнак пасля дапамогі ратавальнікаў - і целы загінулых і жывога дзіцнка давялося даставаць з дапамогай гідраўлікі службы 101 - быў перададзены медыкам і сёння знаходзіцца ў Віцебскім абласным дзіцячым клінічным цэнтры. У эфіры тэлеканала СТВ загадчык траўматалагічна-артапедычнага аддзялення гэтай установы Яўген Лапатнеў распавёў пра стан малога. Па яго словах, дзіцёнак пад час аварыі, нават, не страціў прытомнасць. Сёння яго стане ацэньваюць як здавальняючы, сатрасення мозгу не зафіксавана. На дзіва, пасля такой аварыі дзіцёнак адэкватна рэагуе на рэчаіснасць і правільна адказвае на пытанні, якія задаюць дактары.
А ў эфіры тэлеканалу Беларусь 1 намеснік начальніка абласнога ДАІ Іван Іваноў распавёў пра верагодную прычыну аварыі. Ён адзначыў, што ў момант аварыі дарога была не слізкая і перашкодаў на паверхні трасы не было. Таму папярэднія высновы да якіх прыйшлі міліцыянты ў расследванні прычыны аварыі: Шчарбакоў перавысіў хуткасць. Але, падкрэсліў Іваноў - гэта толькі папярэдняя версія.
