Злачынства адбылося 8-га верасня. Цела 77-гадовага мужчыны са слядамі збіцця знайшлі 12 верасня ва ўласным доме ў вёсцы Галошаўка Талачынскага раёна. Міліцыя ўстанавіла, што яго збіла ўнучка і затрымала 27-гадовую дзяўчыну. Як усталявалі праваахоўныя органы, вечарам 8 верасня падчас сваркі з дзедам ўнучка не менш за два разы ўдарыла яго па галаве, а калі стары ўпаў, штурхала нагамі — не менш за 12 удараў па розных частках цела.
Першапачатковая здагадка, што смерць пенсіянера наступіла ў выніку прычыненага збіцця, была аспрэчана заключэннем экспертызы. Таму аршанцы прад'явілі абвінавачванне толькі па частцы 1 артыкула 149 КК — прычыненне менш цяжкага цялеснага пашкоджання, якое выклікала працяглыя праблемы са здароўем.
18 снежня суд Талачынскага раёна прызнаў яе вінаватай у гэтым злачынстве і прысудзіў да аднаго з паловай года абмежавання волі без накіравання ў папраўчую ўстанову адкрытага тыпу без штрафу, пра гэта "ННВ" паведамілі ў прэс-службе Віцебскага абласнога суда. Прысуд у законную сілу не ўступіў і можа быць абскарджаны і апратэставаны ва ўстаноўленым законам парадку.
