За 3 студзеня ў Оршы адбылося два здарэнні на ліквідацыю наступстваў якіх давялося выязжаць супрацоўнікам МНС. У выніку абодвух здарэнняў пацярпелі людзі.
Першае здарэнне адбылося ў самой Оршы па вуліцы Магілёўскай. Тут сутыкнуліся два легкаваых аўтамабілі. Ратавальнікам давялося дэблакаваць, даставаць з дапамогай розных прыладаў кіроўцу аднаго з аўто. Ён з траўмамі быў дастаўлены ў бальніцу.
Другі выпадак здарыўся вечарам таго ж дня ў вёсцы Ніжняя Веравойша. Тут каля 22 гадзін загарэўся прыватны дом. Пасля тушэння пажару ратавальнікі ў доме знайшлі труп гаспадара жытла. Папярэдняя прычына пажару - неасцярожнае паленне.
