Прынамсі для дваіх жыхароў раёна светлыя навагодне-калядныя святы былі азмрочаны ўласнымі ж гасцямі. Так, 31 снежня ў госці да знаёмага зайшла жанчына, яна прабыла ў кватэры з 14 да 18 гадзін і сыйшла не з пустымі рукамі. Праўда, у міліцыю пацярпелы звярнуўся ўжо на наступны год - вечарам 2 студзеня. Па яго словах знаёмая, якая так харашо пагасцявала ў яго перад святам, скрала 27 тысяч расійскіх рублёў, што ў эквеваленце складае 880,4 беларускіх рублёў. Жанчына была хутка знойдзена.
У другім выпадку двое мужчынаў святкавалі правалсаўнае Раства.Сабраліся вечарам 6 студзеня ў аднаго з іх у кватэры, а пад вечар 7 студзеня гаспадар у якога і была гулянка заўважыз што зніклі: фотаапарат, залатыя ўпрыгожанні, наручны гадзіннік. Агулам страты ацэненыя ў 680 рублёў.
У абодвух выпадках заведзены крымінальныя справы.
