Пакуль зіма 2018-2019 падарыла аршанцам усяго толькі некалькі адносна цёплых дзён, прынамсі, з нулявой ці плюсавой тэмпературай. Гэта адразу справакавала распаўсюджанне вірусу грыпу, асабліва заўважным ва ўстановах адукацыі. Праўда, гаварыць пра эпідэмію яшчэ не выпадае - захворванні былі не настолькі масавымі. Ды і па прагнозах сіноптыкаў хутка і гэты ўзровень грыпу спыніцца - па холаду ён амаль не распаўсюджваецца.
Цёплае надвор'е паводле Белгідраметцэнтра захаваецца толькі да панядзелка. Максімальны рост тэмпературы будзе +2 градусы. Вечарам пойдзе мокры снег, а ў аўторак пачнецца пахаладанне і паўнавартасны снег. У аўторак 5 лютага тэмпература дасягне -7 градусаў вечарам. У сераду снег працягнецца, а тэмпература ўсталюецца на ўзроўні 1-3 градусы марозу. У чацьвер ападкі скончацца, неба прасвятлее, а значыць і надвор'е стане больш халодным. Чацьвярговым вечарам тэмпература зменьшыцца ўжо да 11 градусаў холаду, а ў ноч на пятніцу можа дайсці і да 14. Канец тыдня будзе прыблізна ў мінус 6 градусаў холаду.
