09:00

+8

7 м/с

975 гПа

12:00

+9

8 м/с

977 гПа

15:00

+10

7 м/с

979 гПа

18:00

+11

6 м/с

981 гПа

21:00

+8

3 м/с

984 гПа

Беларусь, Палітыка

Міжнародная ганьба

16.02.2019 19:30

4696 праглядаў, 51 каментар

У стварэнні надмагільнага помніка герою Аршанскай бітвы прымаюць удзел Летува, Украіна і Польшча, але не Беларусь.

Цяперашнія ўлады Беларусі працягваюць ігнараваць вялікіх герояў нашай жа гісторыі. У самой краіне помнікі і мемарыяльныя дошкі айчынным героям ўсталёўваюцца ў асноўным за кошт саміх людзей. Гонар Беларусі і гістарычную праўду нашай краіны за мяжой часцей за ўсё адстойваюць толькі незалежныя гісторыкі, у той час як амбасады, консульствы і "афіцыйныя" гісторыкі часта маўчаць. Так адбываецца і з шанаваннем памяці Канстанціна Астрожскага, вялікага палкаводца, які прывёў нашых продкаў да знакамітай перамогі ў Аршанскай бітве ў 1514 годзе. Афіцыйныя ўлады і яе прадстаўнікі самаўхіліліся ад любога ўдзелу ва ўзнаўленні надмагільнага помніка Астрожскаму. Затое не засталіся ў баку, а нават дамовіліся трохбаковая Міжпарламенцкая асамблея Вярхоўнай Рады Украіны, Сейма Летувіскай Рэспублікі і Сейма і Сената Рэспублікі Польшча. Адбылося гэта яшчэ ў чэрвені 2016 года, і гэтыя 2,5 года беларускія ўлады старанна працягваюць рабіць выгляд, што Астрожскі нехта чужы, але толькі не герой нашай гісторыі.

Праект узнаўлення надмагілля рэалізуецца пры падтрымцы Літвы, у прыватнасці Дабрачыннага фонду «Карона князёў Астрожскіх». Над макетам надмагілля працавалі ўкраінскія скульптары Алесь Сідарук і Барыс Крылоў разам з летувіскім прафесарам, загадчыкам кафедры візуальнага дызайну Клайпедскага факультэта Віленскай акадэміі мастацтваў Арунасам Сакалаўскасам, пра гэта піша day.kyiv.ua. Гэта будзе дакладная копія надмагільнага помніка вышынёй 7 метраў, якая стане не толькі скульптурным, але і архітэктурным збудаваннем. Унізе будзе размяшчацца ўласна само надмагілле князя Канстанціна Астрожскага, а зверху — металічная канструкцыя, якая была на арыгінальным помніку. Надмагілле плануюць усталяваць у Кіева-Пячэрскай лаўры.

На facebook-старонцы Дабрачыннага фонду «Карона Князёў Астрожскіх» гаворыцца пра тое, што ўвосень мінулага года, па хадайніцтве Пасольства Літвы ў Украіне і Міністэрства замежных спраў Летувіскай Рэспублікі, дырэктар Фонду Робертас Габулас разам са скульптарамі Алесем Сідаруком і Барысам Крыловым здзейснілі працоўную паездку ў Італію. Заручыўшыся падтрымкай Ганаровага консула Летувіскай Рэспублікі ў Генуі Масіма Мануэлі, яны наведалі мармуровы кар'ер у Sant'Ambrogio di Valpolicella, недалёка ад Вероны (рэгіён Венета). Мастацкі вопыт і веданне матэрыялу дапамаглі скульптарам знайсці «гістарычны» камень, аналагічны таму, з якім працавалі майстры ў XVI ст. Знакаміты ружовы мармур (Rosso Verona), здабываюць у веронскіх каменяломнях, дзякуючы сваёй структуры і вытанчанаму колеру той цалкам задавальняе патрабаванні скульптараў (верагодна, менавіта з яго і былі выкананы каралеўскія грабніцы Жыгімонтавай капэлы ў Вавелі, а таксама Лаврскім надмагіллі Астрожскага 1579 года).

«Нядаўна пасля папярэдніх перамовах з прадстаўнікамі веронскіх фабрык Робертас Габулас і Алесь Сідарук ажыццявілі новы візіт у Італію. Падчас дзелавой сустрэчы з італьянскімі партнёрамі, азнаёміўшыся з поўным вытворчым цыклам і старанна прааналізаваўшы складскую праграму па рэалізацыі сыравіны, яны выбралі лепшы блок чыстага мармуру, з якога неўзабаве і будзе выконвацца фігура Астрожскага для надмагілля ва Ўспенскім саборы Кіева-Пячэрскай лаўры. Акрамя таго, яны дамовіліся аб наступных пастаўках каменя, неабходнага для працы над іншымі дэталямі помніка. Варта адзначыць, што перамоўны працэс шмат у чым залежаў ад паслуг высокакваліфікаванага перакладчыка з Вероны, ураджэнкі Дніпра Нонны Фраловай, якая дапамагла правесці эфектыўныя па форме і змесце перамовы і забяспечыла іх поспех», - паведамляецца на facebook-старонцы.

На днях мармуровы маналіт перасёк мяжу Украіны і ў бліжэйшы час украінскія скульптары Алесь Сідарук і Барыс Крылоў ўжо змогуць працаваць над фігурай Канстанціна Астрожскага ў натуральную велічыню.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Міжнародная ганьба

У стварэнні надмагільнага помніка герою Аршанскай бітвы прымаюць удзел Летува, Украіна і Польшча, але не Беларусь.

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение