Аварыя пра якую мы пісалі раней, адбылася на М1 каля 12 гадзін (мы паведамлялі пра 14 гадзін) 27 лютага. Фура "Сканія" ехала ў Маскву з грузам, ёй кіраваў мужчына 1977 года нараджэння. У тым жа кірунку па паласе, якая аддзяляе збочыну ад праезднай часткі - як таго патрабуюць правілы - ехаў трактар "МТЗ-82" пад кіраваннем мясцовага жыхара (аварыя адбылася на тэрыторыі Талачынскага раёна) 1962 года нараджэння. На поўным хаду фура ўляцела ў трактар ад чаго трактар разарвала - прычэп аддзяліўся ад кабіны, а тая аказалася практычна змятай пад коламі грузавіка.
Не дзіўна, што ў такім сутыкненні кіроўца трактара загінуў на месцы. Дальнабойшчык не атрымаў аніякіх траўмаў, але цяпер стаў фігурантам крымінальнай справы, якую па факце аварыі завёў Следчы камітэт.
Па інфармацыі абласнога ДАІ.
